аңыз

(Легенда)

графикалық құжатқа берілетін қысқаша түсіндірме мәтін. Сызбалардың, крокирлердің немесе топографиялық карталардың ашық шетіне жазылады. Ұрыстың графикалық құжаттарына түсініктеме ретінде жеке параққа басылып беріледі (тіркеледі). Ол графикалық түрде беруге келмейтін мәліметтерді (күштер мен құралдардың қимылдар алқабындағы теңдігі, жағдайды бағалаудың қысқаша қорытындылары) көрсетеді. А. операцияның (ұрыстың) негізгі көрсеткіштерін сипаттайтын мәліметтерді, шабуыл алқабының енін, жауынгерлік тапсырманың маңыздылығын, шабуыл екпінін және басқа мәліметтерді бере алады. А-да, сонымен қатар графикалық құжатта қолданылатын шартты белгілер беріледі. А. құжаттың топографиялық негізінен басым түспейтіндей қысқа әрі нақты болады.